சனி, 28 மே, 2011

மனதைத் தொட்ட திரைப்படங்கள் - பகுதி 2

Hors de prix - பிரஞ்சு மொழித் திரைப்படம் 

                              கொஞ்சம் காமெடி கொஞ்சம் சீரியஸ் கொஞ்சம் சோகம் எல்லாம் சேர்த்தால் இந்த படம் வரும். இதில் வரும் ஹீரோயின் Audrey Tautou தனது  பாய் பிரண்டுடன் பிறந்த நாளைக் கழிக்க ஹோட்டலுக்கு வருகிறாள். அங்கு பார் அட்டண்டர் ஆக இருக்கும் ஹீரோ  Gad Elmaleh மீது காதல் அரும்புகிறது.ஆனால் ஹீரோயின் பணம் இருக்கும் நபர்கள் மீது குறிவைத்து அவர்களுடன் ஊர் உலகம் சுற்றி அவர்களின்  தயவால் வாழ்க்கை நடத்தும் ஒரு பெண். சில நிகழ்வுகளால் ஹோட்டலில் வேலை செய்வும் ஹீரோவை பணக்காரன் என நினைத்துக் கொண்டு விரும்பிவிட பின்னர்தான் தெரிகிறது அவன் வேலைக்காரன் என்று அந்த காட்சிகளில் எல்லாம் இருவருமே நல்ல நகைச்சுவை நடிப்பை வெளிப்படுத்தி இருப்பார்கள்.

                                                                     பின்னர் அவளுடைய பார்முலாவையே பின்பற்றி ஹீரோவும் ஒரு கேர்ள் இல்லை லேடி பிரண்டை பிடித்துக் கொள்கிறான். இதில் யார் அதிகமாக அவர் அவர்களின் ஜோடியிடமிருந்து பணம் கறக்கிறார்கள் என்பதுக்கு ஒரு போட்டி வேறு நடக்கும். இது இப்படி போய்க் கொண்டிருக்க இவர்களுக்குள் இருந்த காதல் அனாயாசமாக வளர்கிறது.ஒரு கட்டத்தில் தங்களிடமிருந்த காதலை எப்படி வெளிப்படுத்தி ஒன்று சேர்கிறார்கள் என்பதுதான் கதை. இதில் எனக்குப் பிடித்த காட்சி ஹீரோயின் ஹோட்டலில் தனது பாய் பிரண்டுக்கு மேஜையில் உள்ள ஸ்பூன்கள் ஒரே திமிங்கலத்தின் எழும்பினால் செய்யப்பட்டது என்று சொல்லி தன் அறிவை காட்டுவாள் அதைப் பார்த்த ஹீரோவும் தன் லேடி பிரண்டுக்கு அதையே சொல்வான் இதை அந்த அந்த கதா பாத்திரங்கள் அறியாமலேயே காட்டுவார்கள்.இது எனக்கு ரொம்ப பிடித்த காட்சி.